Nikome nije bilo jasno kako je u pretposljednjoj utakmici 30. kola Serije A ostalo: Lecce – Roma 0:0.
Revija promašaja u kojoj je svaki tim mogao da postigne najmanje dva gola, ako ne i više, završena je udarcem inspirisanog Remija Odana. Francuz je ljevicom sa 25 metara duboko u nadoknadi vremena uzdrmao prečku iznad glave Mileta Svilara i tako propustio priliku da nanese tek drugi poraz Romi u prvenstvu pod vodstvom Danielea De Rossija.
Ovako, u desetoj utakmici od kada je legendarni fudbaler rimskog kluba zamijenio Josea Mourinha na klupi, „vučica“ tek treći put nije pobijedila, a prvi put nije postigla pogodak.
Do večeras, Roma je imala poraz od Intera, remi sa Fiorentinom i sedam prvenstvenih pobeda, pa se u Rimu ponovo razmišlja o Ligi šampiona, iako je fantastična Bologna i dalje na pet bodova prednosti nakon današnje rutinske pobjede nad Salernitanom na „Dal’Ari“.
Ekipa trenera Luke Gottija uputila je 27 udaraca na utakmici, od kojih je šest išlo u okvir Svilarovog gola, a jedan završio na „gredi“.
Pored Odana, stativu je pogodio i lijevi bek Rome, Angelino, dok je najbolju šansu na utakmici propustio Nikola Žalevski sredinom drugog poluvremena, kada nije uspio da ubaci loptu u praznu mrežu.
Rezultati 30. kola:
ponedjeljak
Bologna – Salernitana 3:0 (2:0)
/Orsolini 14, Saelemaekers 44, Lykogiannis 90+2/
Cagliari – Verona 1:1 (0:1)
/Sulemana 74 – Bonazzoli 30/
Sassuolo – Udinese 1:1 (1:1)
/Defrel 41 – Thauvin 44/
Lecce – Roma 0:0
Inter – Empoli 20.45
Foto : Arhiva
